Kuri uyu wa Gatatu tariki 21 Mutarama 2026, Ubuyobozi bw’Umujyi wa Kigali bwagiranye ikiganiro n’abanyamakuru ku ngingo zitandukanye zigaruka ku buzima bwa #KigaliYacu. 

Umuyobozi w’Umujyi wa Kigali, Dusengiyumva Samuel, yashimiye abanyamakuru muri rusange ku ruhare bagira mu kugeza ku baturage gahunda z’Umujyi. 

Umujyi ufite intego nkuru eshatu:

•  Guteza imbere ibikorwa remezo by’ibanze 
• Gushyiraho uburyo bworohereza abantu bose ibyo bakora 
• Gufatanya n’inzego zitandukanye kugira ngo habeho umutekano usesuye 

Yagarutse kandi ku mishinga migari iteganyijwe muri #KigaliYacu: 

1. Umushinga wo kwagura umuhanda Prince House - Masaka
2. Kubaka imihanda y’imigenderano
3. Gucanira imihanda ya kaburimbo yubatswe n’indi irimo kubakwa…

Mu bindi, Umuyobozi w’Umujyi wa Kigali yasabye abanyamakuru: 

• Gukangurira abaturage kugira isuku (ku mubiri, aho batuye, inzu z’ubucuruzi…)
• Gushishikariza abatuye Umujyi gutera ibiti n’ubusitani ndetse no kubungabunga ibyatewe bigakura neza
• Kwita ku suku y’ahakorerwa imishinga y’ubwubatsi
• Gushishikariza abaturage kwishyura umusoro no kubasobanurira ko ari umusanzu wabo mu iterambere rya #KigaliYacu n’ibindi. 

Umuyobozi w’Umujyi yashimiye kandi abanyamakuru uruhare bagize mu migendekere myiza y’ibitaramo bisoza umwaka kandi yizeza ko ku bufatanye n’abikorera hari byinshi biteganyijwe mu minsi iri imbere