Umujyi wa Kigali ufatanyije n'Ikigo Gishinzwe Amazi Isuku n'Isukura (WASAC Group) bahuye n'abahagarariye inzego zitandukanye n'abafatanyabikorwa mu mushinga wo kubaka ku Giticyinyoni uruganda rutunganya amazi yanduye (Kigali Centralized Sewerage System); n'imiyoboro ireshya na km 92 izubakwa mu Mirenge ya Kigali, Nyarugenge, Gitega na Muhima mu Karere ka Nyarugenge. 

Imirimo yo kubaka uru ruganda iteganyijwe gutangira muri Kamena uyu mwaka. Uru ruganda ruzaba rufite ubushobozi bwo gutunganya m³ 12.000 z'amazi yanduye ku munsi. Ku ikubitiro, iyi miyoboro izaba ifite ubushobozi bwo gutwara amazi yanduye aturutse mu ngo zirenga 208.000.