Kuri uyu wa kabiri kurwibutso rwa jenoside rwa REBERO mu Karere ka Kicukiro habereye umuhango wo gusoza icyumweru cy’icyunamo kunshuro ya 16.
Uwo muhango wayobowe n’Umuyobozi wa Sena Bwana Vincent BIRUTA mu ijambo ry’ikaze ryavuzwe n’Umuyobozi w’Umujyi wa Kigali Madame Dr Aisa KIRABO KACYIRA yakanguriye abatuye Umujyi wa Kigali kutibagirwa abacu twabuze kubera ubuyobozi bubi ndetse anabakangurira gukomeza gushyirahamwe barwanya ingengabitekerezo ya Jenoside ndetse banacunga umutekano.
Kuri uyu wa kabiri kurwibutso rwa jenoside rwa REBERO mu Karere ka Kicukiro habereye umuhango wo gusoza icyumweru cy’icyunamo kunshuro ya 16.
Umuyobozi w’ Umujyi wa Kigali n’ abandi bayobozi batandukanye bakira Nyakubahwa Perezida wa SENA
Minisitiri w’umuco na Siporo Bwana Habineza Joseph mu ijambo rye yakanguriye abanyarwanda kumva ko ijambo bitazaba ukundi rigomba kuba iryaburumwe, asaba abanyapolitiki kugira umuco w’imiyoborere myiza ndetse no kumva ko buri munyarwanda afite uburenganzira bungana n’ubwa mugenzi we kugihugu,bakareka kuba mudutsiko ariko bakumva ko bakorera abanyarwanda bakubaka inzego zikomeye kandi zitabashingiyeho kugirango umunsi bazaba badahari ibintu bitazacika ahubwo zikaba nzego zishingiye kumategeko .
Umuyobozi w’ Umujyi wa Kigali yunamira abanyapolitiki bashyinguye mu rwibutso rwa Rebero
Yongeye kwibutsa abanyaporitiki ko mugihe kiri imbere hateganyijwe amatora abasaba kutazasubira muri politiki zitandukanya abaturage ahubwo bakagambirira gukomeza kubaka igihugu.
Perezida wa Sena mu ijambo rye yashimiye inzego zose zagize uruhare mu gutegura icyunama kunshuro ya 16 ndetse n’uburyo bakitabiriye , yavuze ko muri iki gihe cyo kwibuka abacu bazize jenosode twibuka kandi n’abagize uruhare mukuyihagarika ndetse bamwe muri bo bakanahasiga ubuzima , akaba ari numwanya kubanyapolitiki wo gusubiza amaso inyuma bakareba ibyo politiki mbi yakoze .
« nubwo hari abagifite imigambi mibi ntibyatubuza gushimira ubufatanye bwagaragaye mubihugu bitandukanye mu kurwanya abagize uruhare muri jenoside,iyo jenoside ikaba yaradusigiye ibibazo bitandukanye birimo n’ihungabana tukaba tugomba gufatanya mukurirwanya nubwo bigomba ubuhanga abanyarwanda twese tudafite ariko ubu buri munyarwanda arasabwa kwegera abacitse ku icumu »vincent BIRUTA.
Akaba yarongeye gukangurira abanyarwanda kuzitabira amatora mu mutekano bakarwanya abanyapolitiki badashaka gukora ahubwo bagashaka inzira z’ubusamo zabageza kubutegetsi rimwe na rimwe usanga zizana n’amacakubiri.
Yasoje ijambo rye agaragaza ko ubutwari bw’abo twibuka aribwo buzakomeza kutubera urumuri yihanganisha abacitse ku icumu abasaba gukomeza kugira icyizere cyo kubaho. Akaba yaranasoje icyumweru cyo kwibuka .
icyumweru cyo kwibuka kikaba cyari cyatangijwe ku itariki ya 07 Mata kuri stade Amahoro i Remera nyuma y’ umuhango wo gushyira indabo kurwibutso rwa Jonoside rwa Gisozi kikaba gisojwe kuri uyu wa 13 Mata murwibutso rw’ abanyapolitiki.
